Informashon tokante embaraso no deseá pa Hulanda Oropeo
Si bo a sali na estado di forma no deseá, bo por sinti bo konfundí. E embaraso aki no tabata planiá i awor bo mester pensa kiko bo ke. Bo tin diferente opshonnan ku bo por skohe ora bo ta ku bo a sali na estado di forma no deseá.
Bo tin diferente opshon:
Kria e yu bo mes
Si bo skohe pa keda ku bo embaraso i kriá bo yu, bo no mester hasi esaki bo so. Pidi apoyu na bo mayornan, famia, amigonan, of otro hende. Of bai na un asistente sosial serca bo, manera Zorg en Jeugd CN (ZJCN) of AKSESO na Boneiru, pa sosten di kriansa.
Aborto
Tambe por skohe pa terminá bo embaraso. Nos ta yama esaki un aborto. • E posibilidatnan di tratamentu ta dependé di kuantu tempu bo tin kaba na estado. Por hasi un aborto te ku 22 siman di embaraso. Entre 22 i 24 siman, e dòkter ta disidí si esaki ta posibel ainda. For di 1 di yanüari 2023, ya no tin e periodo obligatorio di 5 dia pa pensa esaki mas. E hende muhé ta disidí huntu ku e dòkter si i ki ora un tratamentu por tuma lugá.
Pa un aborto te ku 9 siman, bo por skohe pa un interupshon di embaraso usando remedi. Ta yama esaki tambe un tratamentu ku píldora di aborto. Tuma kontakto ku bo dòkter di kas pa puntra ken riba e isla por preskribí e píldora di aborto.
Si bo ke hasi un aborto despues di 9 siman di embaraso, bo por bishita Fundashon Mariadal na Boneiru. Habitantenan di St. Eustatius i Saba por bai Boneiru pa esaki via di un biahe médiko.
Entre 20 i 24 siman, un tim spesialisá ta disidí si e ta posibel ainda.
Kolokashon voluntario den otro famia
Si bo no ke terminá ku bo embaraso, pero bo tin duda si bo por kria e y ubo mes, bo por skohe pa koloká e yu voluntariamente den otro famia. Esaki por ta na un hende den bo serkania ku ke risibí e mucha, of den un famia di yudansa ku bo aínda no konosé. Den e úlitmo kaso, tuma kontakto ku Zorg en Jeugd CN (ZJCN) of ku Voogdijraad CN, pa nan por konta bo kon bo por bai dilanti. E organisashonnan aki ta yudabo ku e kuido pa e mucha i eventualmente pa e mama menor di edat. Si bo tin 18 aña of mas i bo mes tin nesesidat di sosten, bo por bai na Mental Health Caribbean.
Tutela
Si bo no ke terminá ku bo embaraso i bo ta sigur ku bo ke laga e mucha krese definitivamente ku otro hende, ta importante ku bo regla un tutela. Bo lo no ta mas envolví ku bo yu komo su mama i e tutor lo por tuma desishonnan na nomber di e menor ora ku ta nesesario. Pa mas informashon i sosten tokante esaki, bo por bai na Voogdijraad CN.
Bo no ke terminá bo embaraso i bo ta duda si bo por kria e yu? Bishitá Voogdijraad, bo dòkter di kas, partera òf e büró di konsulta. Nan por informá bo kiko ta posibel den bo situashon.
Ménos ku 18 aña
Si bo ta un menor di edat i bo ke terminá e embaraso, bo mester di pèrmit di bo mayor(nan) òf tutor.
Ainda bo ta duda di bo desishon?
Bo ke traha riba esaki bo mes ku ehersisionan online pa yuda bo tuma un desishon? Registrá grátis pa e área online 'Zwanger, wat nu?'. E módulo online aki ta disponibel na Hulandes pa hendenan muhé i hòmber
Bo mester di yudansa personal pa tuma un desishon? Bo por mira abou e opshonnan menshoná pa e islanan.
Kontakto ku e Punto di Informashon pa Embaraso No Deseá
E punto di informashon ta alkansabel via chat òf telefòn.
Telefòn
Ta posibel pa hasi un sita via telefòn.
Yena e formulario aki i un empleado di e punto di informashon lo yama bo riba e dia di bo preferensia. Bo no por a risibí e yamada? Lo yama bèk un máksimo di dos biaha.
Debí na e diferensia di tempu i e gastunan posibel di yamada* pa bo, e punto di informashon ta traha ku sita di yama bèk.
* Mayoria di e provedornan no ta kobrá pa yamadanan internashonal risibí. Bo ke ta sigur di esaki? Verifiká esaki bo mes ku bo provedor.
Chat
Ta posibel pa hasi bo pregunta den nos chat. Tene kuenta ku e diferensia di tempu entre Hulanda Karibense i Hulanda Europeo. Semper ta posibel pa habrí bo kòmbersashon di chat atrobe na un otro momento.
Bai direktamente na e servisio di chat.
Informashon pa yudansa despues di un aborto
Durante e proseso di desishon, pero tambe despues, por tin diferente tipo di sintimentu i pregunta ku ta keda preokupá bo.
Yudansa Personal Online
A desaroyá un módulo online ku por yuda bo den e proseso aki.
Yudansa personal online despues di un aborto ta pa hendenan muhé di 16 aña i mas grandi i ta konsistí di diferente sektor tokante lamento, bèrgwensa i tristesa, entre otro. Bo ta risibí informashon i por hasi ehersisionan ku ta yuda bo lidia ku e sentimentonan aki. Bo por hasi e ehersisionan online na bo propio ritmo.
E módulo ta disponibel solamente na Hulandes aktualmente.
Kehonan Grave
Bo tin molèster di kehonan mas grave, manera depreshon òf trastorno di ansiedat, e yudansa personal despues di un aborto aki no ta apropiá. Bo mester tuma kontakto ku bo dòkter de kas òf spesialista pa yudansa adekuá.
Bo ke un yudansa personal den e proseso di bo aborto? Na final di e página aki bo ta haña e página di yudansa pa isla. Of tuma kontakto ku e Punto di informashon pa embaraso no deseá.
